Воскресенье, 29.11.2020, 13:45
Приветствую Вас Гость | RSS

№7 балалар бакчасы тәрбиячесе Кадрия Адгамованың сайты

Наш опрос
Минем сайтка сезнең билге?
Всего ответов: 350
Мини-чат
Статистика

Онлайн всего: 1
Гостей: 1
Пользователей: 0

Каталог файлов

Главная » Файлы » Җэннэт энилэрнең аяк астында [ Добавить материал ]

Кечкенәләр төркемендә Әниләр бәйрәме
23.01.2012, 21:35

Күңелле көй астында балалар залга керәләр һәм ярым түгәрәк итеп басалар. Кунакка килгән әниләрне, әби – дәү әниләрне, апаларны котлау өчен сүз балалар бакчасы мөдиренә бирелә.

 

Тәрбияче:  Кадерле кунаклар! Без бүген язның беренче бәйрәме – халыкара хатын-кызлар көнен билгеләп үтәргә җыелдык. 8 Март – ул әниләр, әбиләр, кызлар бәйрәме. Барыгызны да бәйрәм белән котлыйбыз һәм эшегездә уңышлар, сәламәтлек, бәхет телибез. Бүгенге чыгышыбызны безнең бүләгебез дип кабул итегез.

 

1 бала.      Көннәр аяз, күктән алсу

                 Нур сибеп кояш көлә.

                 Җиргә тама көмеш тамчы

                 Сагынып көткән яз килә.

 

2 бала.      Тышты яз әле

                 Яңа башлана.

                 Тамчылар тып-тып,

                  Түбәдән тама.

 

                 Җыр: "Яз килә”

 

 3 бала.      Без беләбез җылы язның

                   Иң беренче бәйрәме-

                   Әниләр. әби-апалар,

                   Хатын-кызлар бәйрәме.

 

4 бала.       Нигә бүген бөтен җирдә

                   Чәчәкләр балкый бездә?

                   Нигә кояш көлеп карый,

                   Беләбез һәммәбез дә.

 

5 бала.        Бүген әниләр бәйрәме

                   Бүген җирдә тантана.

                   Кояш шуңа көлә бүген,

                   Гөлләр шуңа шатлана.

 

6 бала.        Кояш көлә, мин елмаям,

                   8 нче Март бүген.

                   Бүген әниләр бәйрәме,

                   Шуңа күңелем шат минем.

 

 

 

 

 

7 бала.     Әниләрнең бәйрәменә

                 Куана шулай алар.

                 Әниләрне котлый бүген

                 Җирдә барлык балалар..

 

8 бала.      Мин дә котлыйм, әнием, сине,

                  Теләгем бар минем дә,

                  Мәңге шулай кояш кебек.

                  Балкы күңел күгемдә.

 

9 бала.       Без әниләрне яратабыз.

                   Бәйрәм белән котлыйбыз.

                   Бүләк итеп үзегезгә

                   Бер матур җыр җырлыйбыз.

 

Җыр: "Әниемә бүләк”

 

10 бала.      Мин әнине бик яратам,

                   Өй эшендә булышам.

                   Тыңлыйм аның һәрбер сүзен,

                    Гел ярарга тырышам.

 

11 бала.     Бик зур үстем инде мин:

                  Әнигә булышам.

                  Үз ботинкамны үзем

                   Кияргә тырышам.

 

12 бала.     Әниемнең эше күп:

                   Бәйли ул миңа оек.

                   Бүген бөтен уенчыкны

                  Үзем куйдым мин җыеп.

 

13 бала.     Бик күңелле, бик рәхәт.

                   Әниләр карап торгач,

                   Эшләрендә булышырбыз,

                   Үсеп зур кеше булгач.

 

 Тәрбияче:  Бүген сөенә-сөенә,

                     Шушы җырны җырлыйбыз.

                     Сезне, кадерле әниләр,

                     Бәйрәм белән котлыйбыз.

 

 

 

 

Җыр: "Әнигә булышам”

 

Тәрбияче: Балалар. әти-әниләр эштән вакытында кайталмый калганда, дәү әниләрегез-әбиләрегез сезне карый. Алар сезне иркәли, әкиятләр укый, сезнең белән бергәләп уйный. Әйдәгез аларны да котлап китик.

 

14 бала.     Өйгә кайтсам, өй балкыган.

                   Өйгә нур сибелгән.

                   Ерак җирне якын итеп,

                   Дәү әнием килгән.

 

15 бала.     Үзен ничек сагынганы

                   Белгән ул, белгән!

                   Күрим әле улымны дип,

                   Дәү әнием килгән.

 

16 бала.     Җылы оек, бияләй,

                   Бәйли безгә көз җиткәч.

                   Мин дә аңа бүләкләр,

                   Алырмын үсеп җиткәч.

 

Җыр: "Әбекәй, алтыным

 

17 бала.      Җир шарында иң кирәк кеше – кем?

                    Иң кирәк кеше - әни икән.

                    Иң гүзәл һәм матур кешебез,

                    Гадел кешебез - әни икән.

 

18 бала.      Иртән йокыдан назлап,

                    Уята әнием куллары.

                    Әниләрдән дә изге

                    Кем бар соң тагы?

 

18 бала.      Ул минем иң кадерлем,

                    Дөньяда бердәнберем.

                    Кайгы күрмә, гомер буе

                    Рәхәт яшә, әнием!

 

19 бала.      "Әни” диеп язып куйдым.

                     Яңа яуган ак карга.

                     Таптамагыз!

                     һич ярамый,

                     "Әни” сүзен таптарга.

 

 

20 бала.       Әнием, син- минем матурым,

                     Мәңге сүнмәс якты  кояшым.

                     Кояш бит ул кичен югала,

                     Ә син, әни, кич тә балкыйсың.

 

21 бала.        Иң гүзәл кеше - әни,

                      Иң изге кеше - әни.

                      Ул безне гел юата.

                      Үстерә һәм кайгырта.

 

22 бала.         Әнием,  кадерлем.

                      Син – минем йолдызым.

                      Ягымлы тавышың,

                      Карашың сөйкемле.

 

23 бала.        Дөньяда иң акыллы,

                     Иң уңган минем әни.

                     Менә шуңа күрә синең яннан

                     һич тә китәсе килми.

 

24  бала.       Син, әнием, минем өчен                                                                                                                                                                                                                                         .                     Бу дөньяда бер генә

                      Елмйганда йөзләреңнән,

                      Бар өйгә нур бөркелә.

 

Шаян бию: "Ачуланыштык – дуслаштык”

 

 25 бала.         Безне назлап үстергәнгә,

                        Әниләр, рәхмәт сезгә!

                        Һәрвакыт эшчән булганга,

                        Әниләр, рәхмәт сезгә!

 

   26 бала:        Зәңгәр күктә ал кояш

                        Сүнмәсен, балкып торсын.

                        Әниләрнең нурлы йөзе

                        Гел көлеп кенә торсын!

 

 

 

 

 

 

 

 

 

                          Муниципаль мәктәпкәчә белем бирү учреңдениесе

                       "Гомуми үсеш бирүче №7 Актаныш балалар бакчасы”

 

 

 

 

 

 

 

 

 

 

 

Бүген       әниләр бәйрәме.

 

 

 

 

 

                                                                                               I кечкенәләр төркеме.

 

                              

                                           

 

 

 

 

 

 

Категория: Җэннэт энилэрнең аяк астында | Добавил: Катя | Теги: әниләр бәйрәме, 8 март
Просмотров: 2626 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Поиск