Сабыйлар кечкенәдән үк һөнәр сайлау турында уйлана башлый.  Баланың кызыксынуы, фикерләре белән әти-әниләр, тәрбиячеләр гел танышып тору зарур, бу һөнәр сайлауга, кызыксынуга зур этәргеч булып тора. Нинди генә һөнәрне алма, алар бар да кирәкле. Эшнең һәркайсы бер ягы белән катлаулы. Кеше дөрес һөнәр сайласа гына, үзенең куйган максатларына ирешә  ала, зур шәхес буларак формалашып өлгерә. Өлкәннәр хезмәте, аларның һөнәрләре турында балаларның белемнәрен киңәйтү, алар хезмәтенең мөһимлеген аңлату, төрле һөнәр ияләренә карата кызыксынучанлыкларын арттыру - замана таләбе.

Мәктәпкәчә  яшьтәгеләр белән  өлкәннәр хезмәте  турында башлангыч мәгълүмат  алу    традицион  рольле- сюжетлы уеннар аша башкарыла.